حقيقة أنا من أكثر الناس الكارهين للأعراس الصامتة, والتي لاتفرقها مع العزاء, وفي عرس يجيك النوم وانت قاعد تتلفت يمين ويسار. وكل شوي تمط بكمومك عشان ماتتعفس الدشداشه … ولا تلتفت على اللي جنبك وتجيك حالة ( قطة الوجه)  وتسأله تقوله: والله اليوم حر ؟؟ّ!! عاد تنتظر يقولك صحيح والله حر وتبدأ تسولف معه لين يجي العشا, وتكتشف أن اللي جنبك مهو حولك. فتلقط وجهك وتضطر تصف سرا تصور مع المعرس …. مدري منو يشوف الصور هذي اصلا  بس نتصور لأن مافي شي ممكن تسويه في هذه اللحظات غير التصوير اصلا وشرب العصير الخاثر

فاللفرح ألوان متعددة على حسب البيئة والمنطقة الجغرافية والقبيلة والانتماء … ودي ناخذ رحلة حول ألوان الفرح في الاعراس الخليجية

هذا عرس حجازي … يتميز بالغناء الحجازي واللعب الخاص بأهل الحجاز

في التفاصيل المزيد

وهذا السامري وكم قبيلة ماتسوي عرس بدون هالسامري اللي معاه تشوف ضرس عقل المعرس متفاعل مع الانغام واحيانا يستنزل ويربطونه بالبشت

—

وهذا عرس في منطقة طريف … شمال المملكة العربية السعودية , تبعد عن الاردن مايقارب 100 كيلو متر, وهذا عرس رولة فخذ من أكبر فخوذ عنزة طبعاً , شخصياً ماتوقع أن هذا الرقص من تاريخ الرولة ولكنهم في العشر او العشرين السنه الماضية باتوا لايعرسون الا بالدبكة حتى اصبحت جزء لا يتجزأ في دمهم … وكل زاوية وحارة في طريق تشوف اثنين او ثلاث شغالين تدريب , لأي عرس يطرأ على الساحة

وهذا عرس في نجران جنوب المملكة .. نلاحظ أنه يعتمد على صفوف إلى مالا نهاية, يسمى الزامل أو الرزفة .. وهو يختص بأهل نجران أكثر شيء , لأن يام ينتمي لها كل من العجمان والمرة واهل نجران, لكن الزامل يخص فقط النجارين ويستخدم في الترحيب بالضيف وفي حالة الاعراس لا سمح الله

وهذي عرضة زهران

وهذي عرضة العجمان في الافراح والليالي الملاح , او في نشوة الفرح أيما فرحة

لاحظ فوق انهم يحاولون يرمون في مسدس وبلشوبه … الواضح أن الله سلم راس من روس المقاريد الواقفين ومارمى المسدس

وفي الختام أخليكم مع هذا المقطع في وادي الدواسر الواضح أن الحارة كلها تستنزل …. لاحظ اللي يظهرون في الشاشه كلهم طربانين حتى العجوز في الخلف طربانه وتهز يدها

الحارة وماتحويه استنزال حتى الصباح ههه

وهذا يمكن عرس خوال

ابوك يالحماس